اقفل ودانك يا جمال

مليون شهيد وتاريخ مجيد من الكفاح المشترك

وخوض غمار المعترك وف آخر الشوط أخسرك

مين علمك تقتل أخوك وأمك وأبوك

وإحنا اللى قدمنا الدماء قبل العرق

خلاص وصلنا لمفترق

وثورتك.. حريتك

دول كان مخاضهم أرضنا وف حضننا

تيجى انت تهتك عرضنا

تحرق علمنا اللى كان شاهد على قبر الشهيد

وترهب الطفل الوليد تنسى تاريخك يا بليد

بقى هو دا الجيل الجديد

ده نسل بن بيلا وبومدين والرجال

اللى لما ضاق الكون عليهم شدو لبلادنا الرحال

رفعوا علمهم فوق صدورنا قبل ما يغوص فى الرمال

غمض عيونك جوا قبرك يا جمال

ماتشفش أحفاد النضال واقفل ودانك

أصل البيان الجاى من صوت العرب

بيقول على المصرى انضرب

بيقول تاريخك كله كان وهم وخطب

نام يا بطل لا عليك ملامة أو عتب

وانزل يا واد من فوق كتاف القاهرة

أنت فقدت الذاكرة

لا تصلى فى الأزهر ولا تمشى ف حوارى السيدة

ولا تسمع الكوكب وهى منشدة

ولا تقرا محفوظ النجيب

ولا حتى تسمع عندليب

خليك كده

تحرم عليك كل العيون والأفئدة

تحرم عليك كل الدماء والأوردة

وبريئة منك ألف مدنة وكل جبهة ساجدة

وأنا حفضل المصرى كريم العنصرين

اللى متربى وساكن فى الحسين

اللى علمتك تقول الضاد وتنطق كلمتين

يابو اللسان الأعجمى

انزل يا واد من فوق كتاف القاهرة

من امتى بتشيل العيال دى مصر ولادة رجال

سادات.. مبارك ومعاهم الناصر جمال

واقفين على شط القنال

رافعين علمها اللى بإيديك اتحرق

رجالة من عزة وشهامة مش ورق

يا حارق الطوق والشراع

مين راح ينجيك من الغرق

روعة روعة جداااااااااا بجد كنت هابكى بس هما الى خسرنين اوى اوى اوى اوى اوى

واااااااااااااااااااااااااااااااااااااااااااااااااااااااااو روعة يا مدى والله كلالالالالالالالالالالالالالالالالالالالالالام رهيييييييب تسلم يدك

تسلم ايديكى ياندى الله على روعة الكلااااام

فعلا كنا مدينهم قيمه كبيره بس هما اللى ضيعوها

*************************

وانا هاقول اللى احمد مكى قاله فى حقهم

اول جريمة فى الكون كانت بين اتنين اخوات

قابيل هابيل ويا ريتنا بنتعلم من كل الى فات

تاريخنا عاد نفسه مليون مره ومبنتعلمش

وبنسال نفسنا دايما تب ليه مبنتقدمش

قالها راجل حكيم زمان فى الاتحاد

يا ريتك تفهم معنى كلمة ضعف

عارف الغرب اتحول عالم اول ليه

علشان مشيوا بالظبط ع الى فى يوم جدودك قالوا عليه

الغرب اتعلم مننا فكرة الاتحاد

وترجم كل كتبنا للغاتهم واتقدم واستفاد

واحنا بقينا عالم تالت وكرهنا لبعض زودها

خلانا عالم فى مكانوا ساكت

يا مصر ويا جزائر انتوا احفاد شهداء

لرفع اسم العروبه فوق فاتوها بالدماء

والله لو عملتوا نص الى اتعمل ما بينكوا

ساعت ما امريكا جت غزت العراق مكنتش دخلت

خير اجناد الارض واقوى واعظم زوار

لو اتحدتوا مع بعض صوتكوا هيكون جبار

قريت جرايد مره وشفت اليو تيوب اتنكدت

يااااه لما الحفيد يضيع جهد الجد

صراع اخوات بقى مانشتات

جرايد الغرب كل الى محطوط ع اليوتيوب

مش تشجيع دى اسمها حرب

تشجيع بلدك من حقك مش بس من حقك ده واجبك

اهتفلهم ارفع علمك شوف جرح اخوك من قلبك

واوعى تخلى الانانيه والعصبيه تشوه وطنك

الوطن العربى

مهو وطنى ووطنك

فيكوا نفس الاديان فيكوا نفس الالوان

نفس القاره نفس الوطن انتوا الاتنين اخوات

فوقوا

رساله الى كل فنان واعلاميه سواء فى مصر او فى الجزائر
ساهم فى زيادة المشكله بين الشعبين عشان يزود شعبيتوا

انا لا احترمك ..

مصر مصر
مصر مصر

سمعنا غنوه عاملها شباب م الجزاير غنوه تعصب اى حد و
تخلى الدم فاير
بدأوها بدرس تاريخ عن الحريه و النضال ان هما شعب الثوره و كل رموزهم م الابطال
معنديش اى اعتراض بس احنا كنا معاكم وقت الثوره وقت ناصر روح اجدادنا كانت فداكم
ومكانش ده فرض و واجب ده كان طالع م الايمان بقضيه كانت جامعانا و ضيعتوها من زمان
جميله ابوحريد ايوه عملنا فيلم عليها وشاهين ده مخرج مصرى و دى حاجه اتشرف بيها
وهقولك حاجه كمان اسأل عليها اجدادك محمد فوزى فنان مصرى لحنلك نشيد بلادك
احنا شعب واعى و هادى مش كلمه تجيبه و توديه بس كلامك زاد عن حده ومنتاش فاهم بتقول ايه
بتكلمنى ع العروبه و بتقول Algerie
شعب الجزاير اسف اللى غنى يروح يجرى
خليك تشوف بعنيك وعد منى انا هوريك هتيجى عليا هاجى عليك صدقت نفسك ليه
يا عبيط بطل تنطيط قال عاملى فيها حويط دماغك محتاجه تظبيط ورينى اخرك ايه
مش مصدق بتعايرونا بنكسة 67 و يقولولك اتهزمنا وقت عبورنا و مش فاهمين
بتعاملنى فجأه كأنى عدوك الصهيونى بتحرق علمى و تشتم امى و لونك هو لونى
ماتش كوره هيخليك تنسى نفسك فى الكلام و تألف فى التاريخ و تخبط و السلام
مش هقعد اقول حضارتنا وفراعنه و اسامى كتير انا عارف ان بلادى ليها رموز و تاريخها كبير
يا ريت تقرا تاريخك و تفهم قبل ما تقول اتأكد بس الاول انك فايق مش مسطول
مش عارف ليه الغل ده كله بيطلع كل مره ما هو لو عالكوره عرفنا مين هما ابطال القاره
حسام حسام
مش عارف ليه مضايقكم الفكره بسيطه خالص هو ماتش و هنغلبكم
ان شاء الله ده يحصل شجع بلدك مفيهاش حاجه
بس اوعى تفكر تغلط وبلاش هرتله و سذاجه
خليك تشوف بعنيك وعد منى انا هوريك هتيجى عليا هاجى عليك صدقت نفسك ليه
يا عبيط بطل تنطيط قال عاملى فيها حويط دماغك محتاجه تظبيط ورينى اخرك ايه
بلد المليون و نص شهيد مع كل احترامى لو ضايقت واحد منكم او اذيتوا بكلامى
كلامى مش للكل
شله قاعده مهيسين قلبولك ماتش كوره حرب صهاينه و فلسطين
و عملنا مبادره و حمله و ورده و ياما حاولنا كتير
جبنالكوا الشاب خالد غنى مع الكنج منير
ما بلاش اعصابك اهدى يطق العرق تطق تموت
ما تاخدلك فرق تلاته و روق حبه ده ماتش يفوت
لو منك اقعد ادعى تخرجوا منها آمنين كلمتك بالهداوه بس فى متعصبين
مسكيييييييييين
و شكلك كده مجنون و رينى هتعمل ايه و قدامك
80 مليون

معانى جميله و أسلوب متميز وكلمات فى مستوى الحدث و ارى حكنه رائعه فى التعامل مع الكلمات و تصريفها حسب القافيه و السجع و ارى ان هذه فصاحه لإيصال المعنى بأيسر الطرق مع إبراز معانى جميله وصور جماليه اراها قليله عن هذا الحدث و لكن سيدتى طيب القصيده وعطرها من نقاء ألفاظها و بعدها كل البعد عن الألفاظ المتدنيه ولا أقول ان هناك الفاظاً متدنبه ولكن أقول ان هناك ألفاظاً أقل من مستوى القصيده
من امتى بتشيل العيال دى مصر ولادة رجال
احرصى على عدم السب من الممكن ان تلومى وتعاتبى بأسلوب أرقى وهنا بوصفك للجزائريين بالعيال قد تسمعين ما لا يرضيكى من ردود متوقعه ومنطقيه لذلك عاتبى و لومى بأسلوب الكبار لأننا نحن هكذا دوماً نحن كبار الأمه العربيه والكبار لا بتحدثون هكذا

تحياتى احمد مصطفى

اشكر كل المرور الذى اسعدنى وانا مع ان مهما كانت الالفاظ قوية بالحدث اكبر منها قوة
اشكر مرور الاستاذ حازم والاخت جوجو والاهلاوى واخص بالشكر ناقدنا العظيم حقا الاخ المهندس احمد مصطفى
ولكم جميعا تحياتى

الاخت ندى راقيه باختيارك للموضوع
جربئه كجرئة احاسيسك

متميزة كتميز اصلك
اختيار موفق
اما الاخ -----
فله الله
امتعينا بالله
اشكرك

ندى
تسلم الأيادى
الله يرحم جمال عبد الناصر
الله يرحم السادات
والله المصرى اتبهدل كتير بعدهم
ولا حول ولا قوة الا بالله

اشكر المرور المزكى بروائح العطر
اما الاخت فوفو لفاضله
المصرى دائما معتزا بنفسه لم يكن يوما ذليلا انما من تسول له نفسه بذلك لانه لا يفهم تسامى المصريين عن اخطاء الاخرين لان فضيلة المصرى علم ورذيلة الاخرين جهل

» ملكة جمال الحشرات!!
» جمال عبدالناصر زعيم الامة
» صور ملكة جمال لبنان 2009